国产一区精品无码_久久精品国产精品非洲_思思热免费精品视频观看_亚洲熟妇av综合网五月

一版：
Haqniq “Soqdoq” Leil Doqlo Xil Lo Yaol Geeza Hu
Aqlo Naqhhal Ssaq Piu Bo
Yoheiq Heiqdoq 
Ngaldu Haqniq lalbaq hholqei “soqdoq” leil doqlo qiq lo jav. Haqniq naoqmilzaol alkaq a “soqdoq” biqseiv pa seiv nei jav gaoq. Tyulliq, “soqdoq” leil aqdil haljivq yaol eil e ngeel aqkeiq? HAQNIQDOQ YILYIDOQ DOQLO SOQDAOQ (HND YYD DL SD 1996:461 baq) hholqei xilmeil leil buvq taq, “soqdoq”: 1. old words (doq’yul); 2. poetry (siilgol) (or) dama soqdoq. Xilmeil qiq heiq nei neema maq lal ya siq. Xilmeil nei, ngaldu qiq mavq, Haqniqdoq hholqei “soqdoq ” leil doqlo xil lo haljivq halsiil yaol eil e nga laq leil geeza zaq hu jil kal. 
Qiq . Haqniq Doq Aqma Hholqei E “Soqdoq” Halsiil
 
Ngaldu Haqniq doq aqma hholqei“soqdoq” leil doqlo xil lo haljivq leil eil taq, Pyulniul doq halmeil leil buvq zaol taq nga laq leil huqteil salhu hu kal. Ngaldu Haqniq Doq Aqma (HNDM) hholqei xilmeil gee ya：
1．Haqniq soqdoq dama taol al, 
Piulsiil lavqgaol dama ssaoqneiq. （HNDM：124 baq）
2．Haqniq soqdoq doqma galcaol,
Huvqsiivq aoqsseil milcaq zeiqkeeq. （HNDM：177 baq）
Aqtav pyu e doq aqma 1-2 xil niq zaol hholqei e “soqdoq” aq, “ dama taol al” taq laq e, “doqma galcaol” nga leil eil ya. 
“Soqdoq” aq “piulsiil lavqgaol” aqmeil, dama nei qiq ciivq qiq ciivq meil ssyuq taq laq e nga leil ya. “Soqdoq” aq ,“huvqssiivq aoqsseil” miavnei pyuq nga leil eil taq ya.  “Soqdoq” aq, “doq aqma” leil qiq jivq aqmeil ngeel al.
Aqhhuv pyu xilgei qiq heiq salhu siq: